இயற்கையின் படைப்பு! அழகோ அழகு!

கீழ்க் கொடுக்கப்பட்டுள்ள குறிப்புகளைக் கொண்டு ஓர் இயற்கைக் காட்சியை விரித்தெழுதுக.

பூஞ்சோலை - சிரிக்கும் மலர்கள் - பசுமையான புல்வெளி - கூவும் குயில் - வீசும் தென்றல் - விளையாடும் குழந்தைகள் - அழகிய காட்சிகள் 

இயற்கைக்காட்சி

எத்துணை அழகு அத்துணை இன்பம்.

இயற்கை அன்னையின் அரிய படைப்பு!

பச்சைப் பசேல் என்ற பூஞ்சோலை அவற்றில் பூத்துக் குலுங்கும் அழகிய கண்கவர் மலர்கள். சூரிய உதயம் ஆனதும், மலர்கரங்களை முகிழ்த்துச் சிரிக்கும் வகை வகையான பூந்தோட்டங்கள் மணம் கமழச் செய்து, வழியில் செல்வோரைத் தம் பக்கம் இழுக்கும் பிச்சியும் ரோஜாவும். 

கால்களைக் கீழே வைத்துப் பார்த்தாலே பஞ்சு மெத்தை போன்றும் பச்சைப் பட்டாடை போர்த்தியது போன்றும் பசுமையான புல்வெளிகள் கண்களுக்குக் குளிர்ச்சியூட்டுகின்றன. அதில் அமர்ந்து அதிகாலை யோகா, தியானம் செய்தாலே ஆரோக்கியமான உடல்நலம் பெறலாம். 

பாடித்திரியும் பல்வகையான பறவைகள் இனிமையாகக் கூவும் குயில்கள்! கா. கா. கா. எனக் கரைந்தழைக்கும் காக்காக் கூட்டங்கள்! கொண்டையில் பூவுடன் உலவும் மரங்கொத்திப் பறவை! கீச் கீச் எனக் குரலெழுப்பித் திரியும் தேன் சிட்டுக்களும், சிட்டுக் குருவிகளும் அனைத்திற்கும் மேலாகத் தம் வண்ணத் தோகையை விரித்தாடும் ஆண்மயில் கூட்டங்கள்... அழகோ அழகு!

பூங்காற்று மணம் வீசும் தென்றல்! உடலில் பட்டவுடன் மென்மையான அப்படியொரு சுகம் அமைதியான சூழல்! ஆனந்தக்காற்று மகரந்தப் பூக்களைத் தொட்டுத் தழுவி வரும் தண்ணருந்தென்றல்!

சோலை நடுவே தொட்டுப் பிடித்து ஓடி விளையாடும் குழந்தைகள்! ஓடி ஒளிந்து கண்ணாமூச்சி விளையாடும் பிள்ளைகள்! மின்மினிப்பூச்சி, பட்டுப்பூச்சிகளைப் பிடித்து விளையாடும் குழந்தைகள் கூட்டம்! நொண்டி ஆட்டம் ஆடும் சிறுமியர் ஒரு பக்கம். மரங்களின் மீது தங்கி ஆர்ப்பரிக்கும் ஆனந்தப் பறவைகள்! 

வண்டுகள் முரண்டு ரீங்காரம் செய்யும் ஒலி ஆரவாரம்! அத்துணையும் மொத்தமாகச் சேர்ந்த இயற்கை அழகைப் பேணிப் பாதுகாப்போம். ஆனந்தப் பறவைகள்! வண்டுகள் முரண்டு ரீங்காரம் செய்யும் ஒலி ஆரவாரம்! அத்துணையும் மொத்தமாகச் சேர்ந்த இயற்கை அழகைப் பேணிப் பாதுகாப்போம்.

Subscribe to DaYs EyE Kids YouTube channel https://youtube.com/c/DaYsEyEKids

#dayseyekids

#தமிழ்கவிதை

#தமிழ்கட்டுரை

#இயற்கையின்அழகு

#இயற்கை